पिंपरी प्रतिनिधी(२६ ऑगस्ट २०२३) :-पिंपरी येथील मा. नगरसेवक संदीप वाघेरे यांच्या वाढदिवसानिमित्त दोन दिवसीय महाआरोग्य शिबिराचे आयोजन शनिवार दिनांक २६ ऑगस्ट व २७ ऑगस्ट २०२३ रोजी करण्यात आले आहे. शिबिराचे उद्घाटन आज मा. नगरसेवक संदीप वाघेरे यांच्या हस्ते करण्यात आले. यावेळी संदिप कापसे, नंदकुमार सातोर्डेकर, उस्ताद दत्तोबा नाणेकर, राजेंद्र वाघेरे, तानाजी वाघेरे, कुणाल सातव, कुणाल लांडगे, गणेश कस्पटे आदी मान्यवर व बहुसंख्य नागरिक यावेळी उपस्थित होते.
या शिबिरामध्ये पहिल्याच दिवशी दुपारपर्यंत जवळपास ५६७ नागरीकांनी शिबिराचा लाभ घेतला. शिबिरामध्ये लोकमान्य हॉस्पिटल चिंचवड, रुबी एलकेअर सर्व्हिसेस प्रा. लि, स्पर्श हॉस्पिटल , वाय. सी. एम. रुग्णालय, स्टार हॉस्पिटल आकुर्डी , डॉ. दर्शन चाटे (डेंटल जिजामाता हॉस्पिटल), डॉ. चाकणे हॉस्पिटल (डोळे), डी.वाय. पाटील हॉस्पिटल हे हॉस्पिटल सहभागी झाले आहेत. या महाआरोग्य शिबिरात रक्ताच्या व लघवीच्या तपासण्या मोफत करण्यात आलेल्या आहेत .
शिबिरामध्ये सहभागी होणाऱ्या नागरिकांसाठी एम.आर. आय. व सिटी स्कॅनसाठी २० ते ३० टक्के डिस्काउंट देण्यात आलेला आहे. हे शिबीर उद्या रविवार (दि.२७ ऑगस्ट) रोजी सायंकाळी ६ वाजेपर्यंत सुरु राहणार आहे.
कार्यक्रमाचे नियोजन हरीश वाघेरे , सचिन वाघेरे, गणेश गुंजाळ, रंजनाताई जाधव, मयुर कचरे, विकी नाईक, शितल पोतदार, दीपा काळे, अपूर्वा खोचाडे यांनी केले.