पिंपरी-चिंचवड पत्रकार संघाच्या वतीने जाहिर निषेध…

बीड :- बिड जिल्ह्यातील पाटोदा येथे अतिक्रमित बांधकामाचे फोटो काढल्या प्रकरणी पत्रकार शेख जावेद रज्जाक यांचेवर हल्लेखोरांनी जीवघेणा हल्ला करून जखमी केले.
पाटोदा शहरातील राजमहंमद चौक सांगवी रोड येथील अतिक्रमित राजमहंमद दर्गाह मस्जिद सर्वे नंबर 714 पाटोदा या ठिकाणी अनधिकृत बांधकाम करण्यात येत असल्याची माहिती मिळाल्यानंतर पत्रकार शेख यांनी रज्जाक घटनास्थळी जाऊन त्या बांधकामाचे फोटो काढले या रागातून त्यांच्यावर हल्लेखोरांनी लोखंडी गज व दगडगोटयाचा सर्रास वापर करून जखमी केले. त्यांच्या डोक्याला जबर जखम झाली असून प्राथमिक उपचारानंतर पुढील उपचारांसाठी बिड येथे हलविण्यात आले आहे.

मराठी पत्रकार परिषद आणि पत्रकार हल्ला विरोधी कृती समितीने या घटनेचा निषेध व्यक्त केला असुन हल्लेखोरांवर कठोर कारवाई करून तातडीने अटक करण्यात यावी अशी मागणी परिषदेचे मुख्य विश्वस्त मा. एस.एम देशमुख सर यांनी केली आहे. या घटनेचा राज्यभरातून सर्व पत्रकार संघटनांनी निषेध केला असून पिंपरी-चिंचवड पत्रकार संघाच्या वतीने ही तीव्र निषेध करण्यात आला आहे.